مش لو أخدم علم بكون أسهل؟

القصة و ما فيها…حكى معاي صاحبي بحكيلي بدنا نطلع كلنا مع بعض على الجامعة عشان نأجل دفتر خدمة العلم فأنا بحكيلو بسيطة خلص منشوفك يوم الخميس عند موقف باصات حجازي

والله و إجينا و الشباب ماسكين دفاتر الخدمة و دفاتر العائلة و طالعين م بس وصلنا…ولا شب مسكين ناسي دفتر العائلة و بعد 100 حيلة و حيلة لرضيو يمشولو الموضوع و ياخدو منه المعلومات بدون دفتر عائلة و بس خلصنا ولا بحكيلنا إنتو بدكم ترجعوا على عمان على المتابعة و التفتيش و بعدين ترجعولنا لهون  يا حبايبي ما أزكاهم فكرتهم بمزحو

 طبعاً ز زي ما حكولنا جهزنا كل إللي بدهم إياه و إللي معو بطاقات جسور جابهم و روحنا يوم الأحد على المتابعة…طبعاً أنا كنت نعسان فواقف ورا صاحبي و بطلع على الموظف و هو بحكي معي و أنا مش سامعو كويس بس شايف شفايفه بتتحرك بحكيلي رووح على الموظفة إللي بحدي خلها تمشيك و تخلصو…أنا طبعاً مش فاهم عليه فضليتني أطلع بوجهه ولا فجأة صار يصيح   و يحكيلي لويش بتلد علي روح على البنت إللي قدامك    فأنا زي الأرنب روحت

مشينا أمورنا إلا شب طلبوا منه هوية أمه   و المسكين شو بدو يسوي جاب هوية أمه و رجعلهم و لما خلصنا حكينا يلا على إربد نكمل المهمة…بس وصلنا إربد إحنا خلصنا إلا إلي طلبو منه هوية أمه حكولو رووح على ماركة أبصر وين!!!

و راح المسكين و هينا بدنا نطلع نكمل الموضوع معه بكرة على إربد طب مش لو خدم علم أشرفلو؟